Lexoni edhe:
Xhaka pranon se ndaj Kosovës është ndeshje e veçantë
Akt i tmerrshëm i futbollistit 11 vjeçar, i qëlloi me armë dhe i plagosi dy lojtarë në qendrën stërvitore
Një futbollist i ri 11 vjeçar është arrestuar me dyshimin se i ka qëlluar dhe i ka plagosur dy lojtarë në qendrën stërvitore në Florida të hënën mbrëma, thonë autoritetet, transmeton "Kosova Sot Online ".
Djaloshi i qëlloi dy 13 vjeçarë në një kompleks rekreacioni në Apopka, në dalje të Orlandos në Shtetet e Bashkuara të Amerikës, pas përleshjes paraprake mes tyre në qendrën e futbollit Pop Warner, njoftoi shefi i policisë së Apopkas, Mike McKinley sot në mëngjes, shkruan “CNN”.
Një i ri u trajtua në spital dhe më pas u lëshua, ndërsa tjetri po trajtohet ende, thotë tutje shefi i policisë.
Çfarë i bashkon grupet ultranacionaliste serbe dhe rumune?
Lexoni edhe:
Njëri djalosh u qëllua në krahë e tjetri në pjesën anësore të shpatullës, shtoi Torso.
11 vjeçari e mori armën nga vetura e nënës së tij, ku arma ishte në një kuti të hapur.
Djaloshi hapi zjarr duke i qëlluar dy adoleshentët, shton McKinley.
Policia u ftua në kompleks dhe 11 vjeçari u dërgua në një qendër vlerësimi të të miturve me një akuzë paraprake për tentim të vrasjes së shkallës së dytë.
Autoritetet po e shqyrtojnë mundësinë nëse dy të plagosurit do të ngarkohen me ndonjë akuzë, deklaroi tutje shefi i policisë. Video i shfaq të rinjtë duke vrapuar kur futbollisti gjuan me armë. Arma ishte legalisht në pronësi të nënës së futbollistit. Hetuesit nuk e dinë ende se çka çoi deri tek përleshja mes të rinjve.11 vjeçari nuk ka vepra paraprake kriminale.
(Kosova Sot Online )
