Lexoni edhe:
Xhaka pranon se ndaj Kosovës është ndeshje e veçantë
Real Madridi buzëqesh, Endrick shkëlqen me dy supergola në rikthimin e çmendur të Palmeiras
Ylli i ardhshëm i Real Madridit, Endrick Felipe ka dhuruar një super paraqitje, duke shënuar dy gola në fitoren me rikthim të ekipit të tij Palmeiras ndaj Botafogos.
Endrick ka pasur një sezon të dytë të vështirë në lojën profesionale, duke humbur vendin e tij titullar për një kohë dhe duke pranuar se qendra e vëmendjes së mediave kanë ndikuar tek ai.
Ndërsa sipas standardeve të çdo 17-vjeçari tjetër ka qenë një sezon i fortë, ka pasur shqetësime për formën e tij në pika të ndryshme, por sot në mendjes ai u kujtoi Madridistëve se pse Los Blancos shpenzuan deri në 60 milionë euro për adoleshentin.
Botafogo kaloi në epërsi 3-0 në një përballje me Palmeiras, pas golave të Carlos Eduardo, Tche Tche dhe Junior Santos brenda 36 minutave.
Duke e ditur se fitorja do ta largonte Palmeriasin nga gara për titull, Endrick mori frenat në duar duke udhëhequr një rikthim të madh të ekipit të tij në pjesën e dytë.
Endrick shënoi dy gola të bukur për ekipin e tij, me të parin që erdhi pas vetme pesë minutave nga pjesa e dytë falë një depërtimi shpërthyer duke kaluar disa kundërshtar për të dërguar rezultatin në 3-1.
17-vjeçari u tregua vrastar edhe në minutën e 84-të duke shënuar nga distanca për 3-2 dhe ky gol motivoi edhe më shumë ekipin e tij që në minutën e 90-të barazoi rezultatin dhe në shtesë shënoi golin e fitores 4-3.
Botafogo është lider i kampionatit pas 31 xhirove me tre pikë më shumë se Palmeiras në vendin e dytë dhe siç qëndrojnë gjërat, Endrick do të ketë shansin të përfundojë sezonin e tij të fundit të plotë në Serie A me titull kampioni.
Golat e tij ishin dëshmi e talentit të jashtëzakonshëm që ai ka brenda vetes dhe këtë e ka dëshmuar duke shënuar 7 gola nga 24 ndeshje këtë sezon.
(Kosova Sot Online )
