Lexoni edhe:
Mbyllen ndeshjet e Ligës së Konferencës, këto janë rezultatet
Zinedine Zidane i tregoi hapur Lionel Messit, ja çfarë mendon ai për të
Ikona e Francës dhe Real Madridit, Zinedine Zidane i ka thënë Lionel Messit se ai është unik në historinë e futbollit, transmeton "Kosova Sot Online ".
Të dy u vendosën së bashku në një dhomë nga Adidas si pjesë e një eventi sponsorizues dhe ndërsa dyshja mund të ishin përballur me njëri-tjetrin nga anët e ndryshme të derbit Real Madrid-Barcelona, kishte vetëm respekt të shprehur jashtë fushës.
Zidane pranoi se ishte i lumtur që pati mundësinë t’i tregonte Messit se sa i mrekullueshëm është. “Është vetëm një fjalë: ‘Magji’. Domethënë, Leo dhe unë, nuk jemi bashkë çdo ditë. Kështu që sot është një ditë shumë e rëndësishme për mua, sepse mund t’i them atij se sa shumë e admiroj”, ka thënë Zizou.
“Dhe unë mendoj se është magji, magji e pastër. Magji në kuptimin që përpara se të merrte topin, ai e dinte tashmë se çfarë duhej bërë. Dhe veçanërisht për mua, si dikush që e kuptoj futbollin. Duke të parë ty (Messi) në fushë, pothuajse e dija se çfarë do të bëje, e di? Ishte si një lidhje. Kur e shoh duke bërë atë që bën, i them: ‘Kjo është'”. “Pra, kjo është ajo që njerëzit duan të shohin në futboll. Ka pak, por jo si ti. Shumë pak, mirë… vetëm një”, shtoi Zidane. Sigurisht, Messi ishte arsyeja kryesore që Francës iu privua triumfi i tretë në Kampionatin Botëror dimrin e kaluar, por edhe kjo duket se ka bërë pak për të përkeqësuar opinionin e Zidanes për të.
(Kosova Sot Online )
