Lexoni edhe:
Milano kandidati më serioz për ta pritur finalen e parë të Championsit pas një dekade
Vetëm 70 milionë euro, Barcelona ia cakton çmimin Raphinhas, pas interesimit të dy klubeve angleze
Barcelona ende po vuan me të njëjtat probleme financiare që e kanë goditur gjatë viteve të fundit. “Blaguranët” mund të synojnë mbledhjen e fondeve duke shitur lojtarë në verën e ardhshme, transmeton "Kosova Sot Online".
Ansu Fati është një nga ata që mund t’i sjellë klubit para të mëdha me shitjen e tij të përhershme. Ai është duke e kaluar këtë sezon në huazim te Brighton.
Sipas “FootballTransfers”, Raphinha është një nga futbollistët që gjithashtu mund të largohet nga Barcelona. Rikthimi i tij në Angli është një opsion.
Arsenali dhe Newcastle United më parë kishin shprehur interesim për brazilianin.
Me shfaqjen e Lamine Yamal, Barcelona është e përgatitur të shesë Raphinh-n verën e ardhshme dhe raportohet se ia ka vendosur një çmim largimi prej 70 milionë eurosh.
Për 26-vjeçarin besohet se të interesuar janë Newcastle dhe Chelsea, por edhe disa klube nga Arabia Saudite.
Ndryshe, Raphinha me Barcelonën ka kontratë të vlefshme deri në verën e vitit 2027.
(Kosova Sot Online )
