Lexoni edhe:
Zbulohet Rezidenca e re miliardëshe e Ronaldos që o i çmend fqinjët: “Piramida” e faraonit Ronaldo, si spital, kopshti im është plot pluhur
Wenger e ngrit në qiell talentin francez
Warren Zaire-Emery është një nga mesfushorët e rinj më të mirë në botë dhe ndeshjet e tij po e konfirmojnë këtë gjë. Talenti francez ka shkëlqyer që nga edicioni i kaluar me PSG-në, derisa këtë sezon është bërë një nga pikat kyçe të kësaj skuadre.
Falë paraqitjeve të shkëlqyera, Zaire-Emery është ftuar në moshën 17-vjeçare nga Kombëtarja A e Francës.
Trajneri legjendar francez, Arsene Wenger e ka ngritur në qiell bashkëkombësin e tij, duke thënë se ai është një miks mes Paul Pogbas dhe N’Golo Kantes.
“Ai ka diçka nga fuqia e Paul Pogba, por gjithashtu ka pika të përbashkëta me N’Golo Kante sa i përket aftësisë për të rikuperuar topa. Zaire-Emery është një miks midis të dyve, një kombinim i dy kampionëve të botës 2018”, tha Wenger.
Tutje ish-trajneri i Arsenalit se Zaire-Emery ka disa aftësi edhe të legjendës franceze Patrick Vieira.
“Ka aftësinë për të fituar duele pa bërë gabime dhe për të projektuar veten përpara, duke i bërë njerëzit të vlerësojnë vizionin e tij të madh. Ai gjithashtu ka pak nga Patrick Vieira. Një mesfushor ‘box to box’ siç thonë anglezët”, theksoi Wenger.
(Kosova Sot Online )
