Lexoni edhe:
Dalin në shitje biletat e ndeshjes Kosovë – Bjellorusi
Francis Ngannou bën namin në boksin ndërkombëtar: Fiton një vend në elitën e WBC-së
Debutimi mbresëlënës në ringun e boksit e ka çuar Francis Ngannou direkt në listën e elitës, duke i siguruar një vend në dhjetëshen kryesore të klasifikimit të peshave të rënda të Këshillit Botëror të Boksit (WBC), transmeton "Kosova Sot Online".
Ngannou, i cili u përball në një luftë të tensionuar dhjetë raundëshe në Riad kundër kampionit të WBC-së, Tyson Fury, duhej të pranonte një humbje të ngushtë me vendim të ndarë nga gjyqtarët, një rezultat i cili ngjalli debate.
Pas një performancë të fortë që përfshinte rrëzimin e Furyt në raundin e tretë, ish-kampioni i peshave të rënda në UFC, Ngannou, jo vetëm që rrëmbeu respektin e fansave, por gjithashtu tregoi se është një forcë me të cilën duhet llogaritur në boksin profesionist.
Dalin në shitje biletat e ndeshjes Kosovë – Bjellorusi
Lexoni edhe:
I lindur në Kamerun dhe tani me ambicie të qarta për të vazhduar rrugëtimin e tij në boks, Ngannou mburret me pozicionin e tij të ri si i dhjeti në hierarkinë e WBC-së. Ndërkohë që vëmendja është fokusuar edhe tek të ardhmen e tij, spekulimet u ndezën kur Eddie Hearn i Matchroom Sport parashikoi se kamerunasi mund të përballet me ish-kampionin e botës në peshat e rënda, Anthony Joshua. Ky koment u bë menjëherë pas njoftimit të rangimeve të reja të WBC-së, të cilat u shpallën gjatë një sesioni të vlerësimit në kryeqytetin e Uzbekistanit, Tashkent. Lexo po ashtuStatistikat zyrtare të goditjeve nga dueli Tyson Fury - Francis Ngannou dëshmojnë se kush e meritoi fitoren
Renditja më e re në WBC:
Tyson Fury si kampion
1) Deontay Wilder
2) Anthony Joshua
3) Arslanbek Makhmudov
4) Frank Sanchez
5) Efe Ajagba
6) Jared Anderson
7) Martin Bakole
8) Joseph Parker
9) Otto Wallin
10) Francis Ngannou.
(Kosova Sot Online )
