Lexoni edhe:
“EURO 2024” po e merr formën komplete, këto janë 20 Kombëtaret që e kanë siguruar kualifikimin
Barcelona e gjen zëvendësuesin e Gavit në Ligën Premier
Barcelona ka marrë një goditje të madhe nga ndeshjet e Kombëtareve, pasi ka humbur mesfushorin Gavin.
Talenti i madh katalunas ka pësuar një lëndim të rëndë me Spanjën dhe ka humbur pjesën e mbetur të sezonit, ku do të qëndrojë jashtë fushave për shtatë deri në nëntë muaj, transmeton "Kosova Sot Online ".
Është një goditje e madhe për gjigantin katalunas pasi Gavi është një nga futbollistët më të rëndësishëm të Barcelonës këtë edicion.
Lexo po ashtuPësoi lëndim të rëndë duke luajtur me Spanjën: Mësohet shuma që do t'i paguajë FIFA, Barcelonës për lëndimin e Gavit
Menjëherë pasi kanë mësuar shkallën e lëndimit, drejtuesit e klubit katalunas kanë filluar punën për të gjetur zëvendësuesin e spanjollit.
Gazeta katalunase ‘Sport’ ka raportuar se Barcelona po tenton huazimin e mesfushorit argjentinas Giovani Lo Celso nga Tottenham Hotspur gjatë afatit kalimtar të janarit.
27-vjeçari nuk ka shumë hapësira këtë edicion te Spurs dhe klubi londinez është i hapur për huazimin e tij.
Megjithatë te Barcelona duan huazimin e thjesht të lojtarit dhe pa pasur obligim blerje në fund të sezonit.
Gjatë javëve të ardhshme pritet një takim vendimtar mes drejtuesve të dy klubeve për të arritur marrëveshjen përfundimtare që Lo Celso të huazohet në Camp Nou, me argjentinasin që edhe më parë ishte dëshirë e Barcelonës.
(Kosova Sot Online )
