Lexoni edhe:
Avokati serb: Partitë politike serbe po i programojnë psikologjikisht votuesit që ta mbajnë gjallë me dekada konfliktin e ngrirë me Kosovën
Ja pse lojtarët e Interit nuk kanë mundur ta bëjnë dushin pas derbit me Juventusin
Juventusi dhe Interi luajtën 1-1 në derbin e xhiros së 13-të të Serisë A. Me këtë barazim Nerazzurët mbajtën vendin e parë me dy pikë përpara Zonjës së Vjetër. Në fund të ndeshjes ka ndodhur një situatë e çuditshme.Gjegjësisht, lojtarët e Interit janë nisur drejt Milanos pa bërë dush pas ndeshjes, transmeton "Kosova Sot Online ".
Gazzetta dello Sport shkruan se pompa e ujit u prish në stadiumin e Juventusit, ndaj presioni i ujit ishte i dobët.
Lojtarët e Interit janë larguar menjëherë nga dhomat e zhveshjes me autobus dhe kanë shtyrë dushin për t’u kthyer në shtëpi.
Në Torino ndeshja u luajt në temperaturën minus katër gradë celsius, ndaj ekspedita e Interit nuk donte të rrezikonte dhe të humbiste kohë pas ndeshjes. Kujtojmë se Dusan Vlahovic e ka kaluar Juventusin në epërsi me gol në minutën e 26-të, ndërsa Lautaro Martinez ka shënuar pas shtatë minutash për 1-1, që ishte në fund edhe rezultatin final.
(Kosova Sot Online )
