Bayerni planifikon nisjen e bisedimeve me pesë yjet e skuadrës

Bayern Munich ka filluar të planifikojë të hyjë në bisedime për rinovim të kontratave me pesë lojtarë gjatë muajve të ardhshëm.

Sipas “Sport1”, lojtarët që kanë më shumë përparësi janë Thomas Muller dhe Alphonso Davies, me klubin gjerman që synon të fillojë bisedimet me dyshen përpara fundit të këtij viti,

Muller thuhet se pritet të nënshkruajë një zgjatje një-vjeçare, ndërsa e ardhmja e Davies është aktualisht në ajër pasi ai ka tërhequr interesim nga Real Madridi.

Me Leroy Sane, Joshua Kimmich dhe Jamal Musiala, bisedimet për kontratë pritet të fillojnë në një moment pas vitit të ri.

Ngjashëm me Davies, Musiala ka tërhequr interes nga klube jashtë vendit, kështu që Bayerni do të fillojë të veprojë shpejt për t’u siguruar që ata të mos humbasin një lojtar kyç për të ardhmen.

Së fundmi, Manuel Neuer dhe Sven Ulreich nënshkruan të dy kontrata të reja, duke rinovuar edhe për një sezon. 

(Kosova Sot Online)