Sonte derbi i javës së 17-të në Premierligë
Liverpool dhe Manchester United do të zhvillojnë sot derbin e javës së 17-të në Premierligë.
Kjo ndeshje do të zhvillohet në stadiumin “Anfield”, me fillim prej orës 17:30.
Liverpooli momentalisht është lider në tabelë me 37 pikë, kurse Man United është i shtati me dhjetë pikë më pak.
Skuadra e drejtuar nga Jurgen Klopp po kalon formë të lartë, duke regjistruar tri fitore rresht së fundmi në kampionat.
Në anën tjetër, forma e skuadrës së Erik ten Hag është mjaft e luhatshme. “Djajtë e Kuq” hyjnë sonte pas humbjes ndaj Bournemouthi javën e kaluar.
(Kosova Sot Online)