Ballkani barazon në Gjilan dhe e kalon ndeshjen e katërt pa fitore
Ka përfunduar edhe ndeshja e fundit për këtë vit në Superligën e Kosovës në futboll.
Ndeshja e mbetur nga java e 13-të mes Gjilanit dhe Ballkanit u mbyll pa fitues dhe pa gola të shënuar.
Kampioni në fuqi i Kosovës, e kalon kësisoj ndeshjen e katërt radhazi kampionale pa shënuar fitore (2 humbje, 2 barazime).
Ndeshja e zhvilluar në Gjilan u mbyll pa fitues, rezultat i cili nuk i konvenoi asnjërës skuadër.
Tani, Ballkani dimëron si kampion vjeshtor në elitën e futbollit kosovar me 40 pikë, gjashtë më pak se Llapi e Drita që mbajnë pozitat dy dhe tre.
E pikërisht këto tri skuadra pritet ta thonë fjalën e fundit për kampion, në një pranverë që po pritet të jetë mjaft e nxehtë.
Në anën tjetër, Gjilani mbetet i teti dhe në zonën e barazhit me 18 pikë gjithsej.
(Kosova Sot Online)