Lexoni edhe:
Basketbollisti i NBA-s sulmohet nga qeni, përfundon në spital i kafshguar në fytyrë
Milani e bën goditjen e parë në merkato, siguron një mbrojtës nga Spanja
Matteo Gabbia do të jetë përforcimi i parë i Milanit në merkaton e janarit, transmeton "Kosova Sot Online".
Kuqezinjtë kanë arritur akordin me Villarealin, për ta rikthyer mbrojtësin para kohe në Milano, duke qenë se marrëveshja e huazimit përfundonte në qershor.
Situata alarmante në mbrojtje, e shkaktuar nga dëmtimet e emrave si Tomori, Thiaw dhe Kalulu, kanë ndezur alarmin në prapavijën e kuqezinjve.
Pikërisht për këtë arsye është vendosur të kthehet Gabbia, një futbollist 24-vjeçar i rritur te Milani, që njeh mirë kuqezinjtë, por edhe Serinë A.
Futbollisti pritet të jetë në dispozicion të Milanit që për ndeshjen e parë të kampionatit në janar, atë ndaj Empolit në datën 7, ndërsa drejtuesit e kuqezinjve do të provojnë të afrojnë edhe një tjetër futbollist në prapavijë gjatë merkatos së janarit.
Ndër emrat në listën e drejtuesve kuqezi janë emra si Mukiele i PSG-së, Badiashile i Chelsea dhe Lenglet i Barcelonës, teksa synimi është që njëri prej tyre të merret në huazim deri në fund të sezonit për të shmangur emergjencën.
(Kosova Sot Online )
