Zbulohet shuma që mund të fitojë Luis Suarez

Pak javë më parë u konfirmua zyrtarisht kalimi i Luis Suárez tek Inter Miami i David Beckham. Sulmuesi ka nënshkruar për një sezon me opsionin rinovimin për një tjetër. Ai u ribashkua me të njohurit e vjetër nga Barcelona: Lionel Messi, Sergio Busquets dhe Jordi Alba. Suárez, në atë kohë, tha:

Ndihem shumë i lumtur dhe i emocionuar për këtë sfidë të re me Inter Miamin. Jam gati të punoj dhe të realizoj ëndrrën për të fituar më shumë tituj me këtë klub të madh. Jam optimist për atë që mund të arrijmë së bashku.

Sulmuesi 36 vjeç, shënoi gjithsej 19 gola dhe dha 11 asistime te Gremio. Ai pritet të jetë referenca kryesore në sulmin e skuadrës së drejtuar nga Gerardo el “Tata” Martino.

Sa do të fitojë Luis Suárez në Inter Miami?

Detajet e kontratës mbeten për t’u zbuluar plotësisht, megjithatë janë bërë të njohura disa të dhëna. Luis Suárez mësohet se do të fitojë tek Inter Miami afër 1.7 milionë dollarë plus disa shpërblime të garantuara, një shifër kjo e ngjashme me atë që merr Sergio Busquets. Kësaj shifre do t’i shtohen përfitime të tjera ekonomike, ndaj mund të arrijë deri në 10 milionë euro në vit.

(Kosova Sot Online)