Granit Xhaka shpallet futbollisti më i mirë i Zvicrës për vitin 2023

Granit Xhaka është votuar për herë të tretë si lojtari më i mirë i vitit në Zvicër.

Në vitin 2023 ai regjistroi rekord duke u bërë futbollisti me më së shumti paraqitje me Kombëtaren e Zvicrës. Mesfushori nga Kosova tani numëron 121 paraqitje.

Sikurse në vitin 2017 dhe vitin e kaluar, Xhaka u shpall lojtari më i mirë te “Helvetikët”.

31-vjeçari në garën për më të mirin e vitit mposhti konkurrencën e Manuel Akanji dhe Zeki Amdouni, që ishin dy të nominuarit tjerë.

(Kosova Sot Online)