Napoli fiton me përmbysje ndaj Veronas
Napoli ka shënuar fitore të rëndësishme sot në Serie A.
Kampioni në fuqi i Italisë e mundi 2:1 në shtëpi Veronan, në kuadër të javës së 23-të në elitën e futbollit italian.
Por, nuk ishte aspak e lehtë për Amir Rrahmanin me shokë ta fitonin këtë përballje.
Kjo pasi që ata e panë veten në disavantazh në minutën e 72-të të ndeshjes.
Megjithatë, vendasit gjetën forcë dhe e përmbysën rezultatin deri në fund.
Fillimisht Ngonge barazoi shifrat në minutën e 79-të, kurse në të 87-tën Kvaratskhelia ia dha fitoren napolitanëve.
Me këtë triumf, Napoli taqni është në pozitën e shtatë me 35 pikë, vetëm një larg Atalantas që mban vendin e katërt.
Në anën tjetër, Verona mbetet në vendin e 18-të me 18 pikë të grumbulluara.
(Kosova Sot Online)