![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
Arsenali e deklason West Hamin
![Arsenali e deklason West Hamin](/uploads/kosova-sot/images/2022/March/18/auto_Partey-Gabriel-Bellerin-Luiz-and-Aubameyang-in-free-kick-for-Arsenal-770x506-1-600x360_11647591734.jpg)
Arsenali e ka shënuar fitoren e katërt radhazi në Premierligë.
“Topçinjtë” fituan thellë 0:6 në udhëtim ndaj West Hamit, në kuadër të javës së 24-të në elitën e futbollit anglez.
Festivalin e golave për mysafirët e hapi Saliba që shënoi në minutën e 32-të pas asistimit nga Declan Rice.
Në minutën e 41-të Bukayo Saka dyfishoi epërsinë me një gol nga penalltia, shkruan Gazeta Express.
Tre minuta më pas, Declan Rice asistoi sërish, por këtë herë për Gabriel.
E në sekondat e fundit të pjesës së parë, Trossard realizoi për 0:4.
Pjesa e dytë vazhdoi pothuajse njëjtë për Arsenalin.
Bukayo Saka realizoi edhe një herë tjetër në minutën e 63-të, kurse tre minuta më pas Declan Rice shënoi për 0:6.
Me këtë fitore, Arsenali shkon në kuotën e 52 pikëve në vendin e tretë, aq sa ka edhe Manchester City në vendin e dytë, por me një ndeshje më pak të luajtur.
E renditjes tabelare i prin Liverpooli me dy pikë më shumë se dy ndjekësit e tij.
Në anën tjetër, West Ham mbetet në pozitën e tetë me 36 pikë të grumbulluara.
(Kosova Sot Online)