Loriana Kuka eliminohet nga Grand Slami i Bakus

Loriana Kuka është eliminuar nga Grand Slami i xhudos që po mbahet në Baku të Azerbajxhanit.

Xhudistja kosovare u eliminua në ndeshjen e parë të repesazhit nga ukrainasja, Yelyzaveta Lytvynenko.

Fillimisht, Kuka shënoi dy fitore të njëpasnjëshme, për t’u ndalur më pas në çerekfinale.

Kësisoj, Kosova e mbyll garimin me një medalje të argjendtë të Nora Gjakovës në kategorinë deri në 57 kilogramë.

Norën e hendikepoi lëndimi, i cili ia pamundësoi asaj paraqitjen në finale.

Në këtë Grand Slam u paraqitën edhe Laura Fazliu dhe Dardan Cena, por që nuk arritën të futeshin në zonën e medaljeve.

(Kosova Sot Online)