![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
Kosova e nis me fitore ciklin e ri kualifikues të Kupës së Botës
![Kosova e nis me fitore ciklin e ri kualifikues të Kupës së Botës](/uploads/kosova-sot/images/2024/February/09/auto_Basketboll-Basktball-600x3601707470171.png)
Kombëtarja e Kosovës e ka nisur me fitore raundin e parë parakualifikues për Kupën e Botës 2027.
Të përzgjedhurit e Rami Hadar triumfuan sonte ndaj Irlandës, në ndeshjen e parë të kësaj faze.
Përballja e luajtur sonte në Pallatin e Rinisë dhe të Sporteve në Prishtinë përfundoi me rezultatin 83:76.
Drilon Hajrizi me 20 pikë dhe Dardan Berisha me 19 sosh, ishin dy basketbollistët më të dalluar në fitoren e “Dardanëve”. Pikë dyshifërore shënoi edhe Mikaile Tmusic – 11.
Te irlandezët më i dalluari ishte Jordan Blount me 27 pikë.
Kosova ndeshjen e radhës e luan më 25 shkurt, në udhëtim ndaj Azerbajxhanit.
Ndeshjet e radhës të këtij raundi parakualifikues do të luhen në nëntor të këtij viti dhe në shkurt të vitit të ardhshëm.
Të tre fituesit e grupeve së bashku me skuadrën e renditur më të mirë në vendin e dytë do të kalojnë në raundin e dytë parakualifikues të Kupës së Botës 2027 të FIBA-s.
(Kosova Sot Online)