Lexoni edhe:
Shokët e skuadrës u përleshën në fushë, VAR ndërhyu për karton të kuq
Messi ia siguroi barazimin Inter Miamit në minutat shtesë
Lionel Messi ka arritur t’ia sigurojë një pikë ekipit të tij, Inter Miami në udhëtim te La Galaxy, me golin e tij në minutat shtesë, transmeton "Kosova Sot Online ".
Të dy skuadrat luajtën 1:1 në kuadër të xhiros së dytë në ligën amerikane, MLS.
Që në minutën e 13-të, vendësit patën mundësinë e artë për të kaluar në avantazh, por Puig dështoi nga pika e bardhë.
Në pjesën e dytë pamë dy gola. Atë që nuk e bën në të parën, e realizuan në të dytën.
Zhvillohej minuta e 75-të, kur Galaxy kaloi në avantazh nëpërmjet Joveljic.
Kur të gjithë menduan se Inter Miami do të njoftohet me humbjen e parë kampionale, kështu nuk mendoi Lionel Messi, i cili në minutën e dytë shtesë shënoi për 1:1 dhe rezultatin final.
Messi u asisitua në mënyrë përfekte nga Jordi Alba.
Kështu, me këtë barazim, pas dy xhirove, Inter Miami ka katër pikë, kurse La Galaxy ka të zhvilluar vetëm një sfidë.
Në xhiron e tretë, Inter Miami luan në shtëpi përballë Orlando City, kurse La Galaxy i shkon Real Salt Lake.
(Kosova Sot Online )
