Camvinga jep një përgjigje lidhur me kalimin e Mbappes te Real Madridi
Eduardo Camavinga falënderoi gazetarin për pyetjen në paraqitjen e tij në konferencën për media përpara ndeshjes ndaj Leipzigut në Ligën e Kampionëve
Një nga pyetjet e para që iu bë ishte natyrisht në lidhje me shokun e skuadrës në Francë, Kylian Mbappe, dhe të ardhmen e këtij të fundit – i cili është i lidhur me një kalim si lojtar i lirë nga Paris Saint-Germaini te Real Madridi.
Camavinga u pyet nëse kishte folur me Mbappe për të ardhmen e tij.
Mesfushori francez u përgjigj: “Doni të dini të vërtetën? Nuk kam folur fare me të dhe nuk e di se çfarë do të bëjë verën e ardhshme”.
Ishte raportuar gjithashtu se rreth Mbappes ishte diskutuar edhe në dhomat e zhveshjes së Real Madridit.
Kësisoj, 21-vjeçari u pyet se çfarë u diskutua saktësisht.
“Të them sërish të vërtetën? Mbappe nuk është lojtari ynë, ne do të respektojmë PSG-në. Nuk po flas për këtë. Nuk e di se çfarë do të ndodhë, kjo është e vërteta”, deklaroi Eduardo Camavinga.
(Kosova Sot Online)