Apeli nuk e fal Bellinghamin, ja lista me ndeshjet që do t’i mungojë Realit

Komiteti i Apelit i RFEF-së hedh poshtë ankimimin e Realit të Madridit për dënimin e Jude Bellingham. Në këtë mënyrë, futbollisti anglez do të duhet të kryejë pezullimin me dy ndeshje pas përjashtimit në momentet e fundit të takimit kundër Valencias. Një sanksion që do ta pengojë lojtarin të luajë ndeshjet e LaLiga-s kundër Celta Vigos dhe Osasunas, më 10 dhe 16 mars, transmeton "Kosova Sot Online ".

Lojtari i Real Madridit u përjashtua me karton të kuq në fund të ndeshjes kundër Valencias për shkak të reagimit të tij ndaj vendimit të gjyqtarit për ta përfunduar takimin vetëm një sekonda para se topi të përfundonte në rrjetë (krosoi Brahim Diaz, e shtyu drejt rrjetës Bellingham.

Lexoni edhe:

Ky qytet i Gjermanis stoliset me dekorime speciale për muajin e Ramazanit

Një gol që do të thoshte fitore për skuadrën e Carlo Ancelottit, por që në fund përfundoi në barazim duke qenë se ishte jashtë kohës së rregullores.

Gjyqtari, për kartonin e kuq të dhënë Bellinghamit ka shkruar në raport se ai iu drejtua atij “me një qëndrim agresiv dhe duke bërtitur”.

(Kosova Sot Online )