![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
Zbulohen tre zëvendësuesit e mundshëm të Allegrit
![Zbulohen tre zëvendësuesit e mundshëm të Allegrit](/uploads/kosova-sot/images/2023/June/02/auto_allegri-600x3601685699324.webp)
Massimiliano Allegri pritet që të largohet nga Juventusi në fund të këtij sezoni, megjithëse nuk përjashtohet shkarkimi i tij edhe më herët.
Trajneri italian është nën presion pasi “Bianconerët” fituan vetëm një ndeshje nga nëntë e fundit.
Ata ende qëndrojnë në vendin e tretë në tabelën e Serie A, por Bologna është vetëm dy pikë më poshtë – teksa edhe Roma e Atalanta po synojnë top-katërshen.
Sipas “Tuttosport”, Thiago Motta është kandidati kryesor për të zëvendësuar Allegrin në Juventus. Por, dikush tjetër mund të emërohet si trajner i përkohshëm nëse Allegri shkarkohet para fundit të sezonit.
56-vjeçari besohet se mund të shkarkohet nga “Zonja e Vjetër”, nëse skuadra merr rezultate zhgënjyese edhe në dy ndeshjet e ardhshme; kundër Fiorentinas dhe Torinos.
Nëse Allegri shkarkohet, ai mund të zëvendësohet përkohësisht nga trajneri i Juventus NextGen, Massimo Brambilla, ose legjenda e klubit, Paolo Montero, i cili aktualisht po shërben si trajner i Juventus Primavera (U19).
Megjithatë, kandidati kryesor për të zëvendësuar Max Allegrin në verë është trajneri i Bolognas, Thiago Motta, kontrata e të cilit në “Stadio Dall’Ara” skadon në qershor.
(Kosova Sot Online)