Lexoni edhe:
Zbulohet lista e yjeve që sauditët duan të transferojnë këtë verë, emra që po lënë gjurmë në Evropë
Derbi italian në çerekfinale të Ligës së Evropës
Pas Ligës së Kampionëve, sonte është radha për Ligën e Evropës.Katër çifte interesante na presin në këtë fazë të kompeticionit të dytë më të rëndësishëm të futbollit evropian, transmeton "Kosova Sot Online ".
Pa dyshim, vëmendja më e madhe do të jetë tek derbi italian, Milan – Roma.
“Rossoneri” luajtën në Champions, por u eliminuan në fazën e grupeve për ta vazhduar garën në Europa League.
Ata i pret një punë mjaft e vështirë sonte pasi do të kenë punë me “Giallorossi” në super-formë.
Që kur i mori në dorë romakët, trajneri De Rossi i ka regjistruar 8 fitore, 2 barazime e 1 humbje në 11 ndeshjet e fundit.
Prandaj, Roma do të kërkojë rezultat pozitiv në San Siro para lojës së kthimit në kryeqytet.
Ndërkohë, Kuqezinjtë, të mbështetur nga publiku i zjarrtë duan të krijojnë avantazh në shtëpi.
Gjiganti tjetër evropian, Liverpool do ta mirëpresë Atalantën.
“Reds” shihen si favoritë në “Anfield Road” kundër ekipit të Berat Gjimshitit.
E Bayer Leverkuseni i Granit Xhakës do të mundohet ta vazhdojë serinë e jashtëzakonshme pozitive për ta mposhtur West Hamin në Gjermani sonte.
“Farmaceutikët” megjithatë do ta kenë përballë një ekip të papërshtatshëm dhe të paparashikueshëm.
Dueli i katërt çerekfinal i Ligës së Evropës do të jetë ai mes Benficas dhe Marseillet, me dy skuadrat që kanë mundësi të avancojnë në gjysmëfinale.
Ndeshjet e sontme çerekfinale të Europa Leagues do të nisin në orën 21:00.
Sonte do të luhen edhe ndeshjet çerekfinale në Ligën e Konferencës
(Kosova Sot Online )
