![“Para syve të gjithë botës, të gatshëm e krenarë” – Albin Kurti fjalë të mëdha për ekipin olimpik të Kosovës](/uploads/kosova-sot/images/2024/July/27/200x200_IMG_57701722036153.png)
Pioli - kandidati kryesor për të marrë drejtimin e Napolit
![Pioli - kandidati kryesor për të marrë drejtimin e Napolit](/uploads/kosova-sot/images/2023/June/30/auto_auto_pioli16815036291688142129.png)
Stefano Pioli është shfaqur si një kandidat kryesor për pozitën e trajnerit te Napoli, nëse ai shkarkohet përfundimisht nga Milani në verë.
Kampioni në fuqi italian ka kohë që kërkon një trajner të ri afatgjatë dhe humbja e tyre ndaj Empolit të shtunën i ka konfirmuar presidentit, Aurelio De Laurentiis, se Francesco Calzona nuk është i përshtatshëm për të qëndruar, duke e bërë atë të intensifikojë kërkimet.
Javët e fundit, shumë trajnerë janë paraqitur si opsione të mundshme për Napolin, duke përfshirë Antonio Conten, Gian Piero Gasperinin dhe Vincenzo Italianon, por tani ndryshimet e shtabit teknik te Milani mund të ndikojnë edhe te napolitanët.
Siç raportohet nga “Calciomercato”, De Laurentiis po vëzhgon nga afër pozicionin e Piolit te “Rossonerët”, pasi është i interesuar për të sjellë teknikun italian në Napoli gjatë verës.
58-vjeçari thuhet se i përshtatet të gjitha kushteve dhe qëndrimeve të De Laurentiis, i cili tani po e konsideron atë si një nga kandidatët kryesorë, me gjasë përpara Gasperinit dhe Italianos, ky i fundit mund të përfundojë në Bologna nëse Thiago Motta largohet.
(Kosova Sot Online)