Lexoni edhe:
Boksieri legjendar Evander Holyfield zbuloi se cili nga rivalët e goditi më së forti:“Mendova se ai mi theu të gjithë dhëmbët!
E papritur, ylli shqiptar Eros Grezda tërhiqet nga futbolli?
Eros Grezda ka vendosur të marrë një hap pas nga futbolli i luajtur për një periudhë reflektimi dhe pushimi, transmeton "Kosova Sot Online ".
Ish-lojtari i Partizanit, i cili bëri një lëvizje në merkaton e janarit për t’u bashkuar me klubin kroat Rudes, bëri njoftimin për ndërprerjen e karrierës së tij përkohësisht përmes një deklarate në rrjetet sociale.
Grezda, i cili tani është 29 vjeç, ka hasur në sfida të vazhdueshme fizike që i kanë penguar performancën e tij dhe nuk i kanë lejuar të tregojë nivelin e lojës që dikur e bëri të njohur.
Problemet me lëndime kanë qenë një pengesë e madhe për të shfaqur aftësitë që e kanë shoqëruar gjatë pjesës më të mire të karrierës së tij.
Pavarësisht kësaj periudhe të vështirë, pushimi nga futbolli mund të ofrojë kohën e nevojshme për Grezdan për të rifituar formën dhe të shpresojë në një rikthim triumfal.
Gjatë karrierës së tij, Grezda ka bërë 13 paraqitje për përfaqësuesen e tij kombëtare, duke shënuar gjithashtu një gol për ekipin kuq e zi.
(Kosova Sot Online )
