Klubet e Serie A refuzojnë propozimin që Qeveria të monitorojë financat e tyre

Të 20 klubet e Serie A votuan kundër prezantimit të një reforme të re që do t’i lejonte Qeverisë së Italisë të gjurmonte gjendjen e tyre financiare përmes një agjencie të sapoformuar.

Tashmë ekziston një ent që e bën këtë, COVISOC, i cili më së miri mund të përshkruhet si një lloj shoqate për mbrojtjen e konsumatorëve.

Është një organ autonom, por anëtarët emërohen nga subjektet sportive, FIGC dhe CONI.

Propozimi i Ministrit të Sportit, Andrea Abodi, është që të krijojë një komision të ri të drejtuar nga Qeveria për të mbikëqyrur financat e klubeve.

(Kosova Sot Online)