Lexoni edhe:
EURO 2024 po pritet me "tërmet" të madh të çmimeve për hotele dhe tenda në Gjermani
Arne Slot bën nënshkrimin e parë si trajner i Liverpoolit
Arne Slot thuhet se veçse ka bërë nënshkrimin e tij të parë si trajner i Liverpool, duke ‘sulmuar’ ish-klubin e tij Feyenoord, transmeton "Kosova sot Online ".
Holandezi do të bëhet zyrtarisht trajner i Liverpoolit më 1 qershor, duke pasuar Jurgen Kloppin, i cili u largua nga posti i trajnerit pas gati nëntë vitesh në Anfield.
Premton të jetë një verë interesante për tifozët e Reds, të cilët do të shpresojnë se Slot mund ta ndihmojë ekipin të përmirësojë vendin e tretë në Ligën Premier.
Slot do të sjellë lojtarët dhe stafin e tij dhe duket se ai tashmë ka filluar procesin e riformimit të skuadrës. I pari që vjen si nënshkrim është Ruben Peeters, i cili ndjek Slot nga Feyenoord për t’u bërë trajneri i ri i ekipit të parë të Reds për përgatitje fizike.
Peeters shërbeu si drejtues i përgatitjes fizike në klubin Eredivisie gjatë tre sezoneve të fundit, pas gjashtë vitesh si trajner fizik me skuadrën belge KRC Genk.
Agjencia e Peeters, Claes Agency, njoftoi se ai do të shoqërojë Slot dhe ndihmës menaxherin Sipke Hulshoff në lëvizjen e tyre në Anfield.
“Marrëveshja e përfunduar nga Claes Agency: Ruben Peeters te Liverpool FC! Ruben do të jetë trajneri kryesor i përgatitjes fizike të ekipit të parë të Liverpool FC, duke shoqëruar Arne Slot dhe Sipke Hulshoff”, thuhet në njoftim. Slot gjithashtu pritet të sjellë Etienne Reijnen me vete në Merseyside, ndërsa Mark Burchill dhe Craig McKee janë sugjeruar që të dy t’i bashkohen drejtorit të ri sportiv Richard Hughes në klub nga AFC Bournemouth.
Largimi i Klopp do të thotë që trajnerët dhe stafi i tij, përfshirë Pep Lijnders, Peter Kraëietz, Vitor Matos, John Achterberg, Jack Robinson, Andreas Schlumberger dhe Andreas Kornmayer, janë larguar gjithashtu.
Peeters do të ndihmojë në zëvendësimin e Schlumberger dhe Kornmayer, të cilët shërbyen si shef i fitnesit dhe kondicionit, përkatësisht shef i rikuperimit dhe performancës.
(Kosova Sot Online )
