Gallagher është lojtari më i ri i Atletico Madrid

Conor Gallagher edhe zyrtarisht është lojtar i ri i Atletico Madridit.

Mesfushori anglez ka nënshkruar kontratë pesë vjeçare, e vlefshme deri në vitin 2029.

Gallagher u transferua nga Chelsea, e cila do të përfitojë 42 milionë euro nga shitja e 24-vjeçarit që u rrit në akademinë e klubit londinez.

Ky është transferimi i tretë i Atletico Madridit, pas Alexander Sorloth dhe Robin Le Normand.

Klubi madrilen po ashtu është në ‘gjah’ që të sigurojë edhe shërbimet e Julian Alvarez, për të cilin pritet të paguajë 80 milionë euro, së bashku me bonuset.

(Kosova Sot Online)