Mbyllet me barazim derbi i tensionuar mes Atleticos dhe Realit

Nuk ka fitues në derbin e madh madrilen mes Atletico Madridit dhe Real Madridit.

Të dyja ekipeve u nevojitej fitorja për të mbetur në hap me Barcelonën, e cila është lidere, por që nuk ia dolën.

Pjesa e parë u mbyll pa gola të shënuar.

Ishte minuta e 64-të, kur Eder Militao realizoi për 0:1.

E aty, eskaloi situata.

Tifozët nisën të gjuanin gjësende në fushë, teksa gjyqtari i ndeshjes u detyrua të ndërpresë takimin.

Lojtarët iu drejtuan dhomave të zhveshjes dhe ndeshja nuk nisi për disa minuta.

Më pas, lojtarët u rikthyen në fushë dhe loja rifilloi.

Fundi ishte dramatik, pasi që Atletico Madridi arriti të barazonte rezultatin.

Ishte Correa që shënoi në minutën e pestë shtesë për 1:1.

Me këtë barazim, Real Madridi shkon në 18 pikë në vendin e dytë, tri më pak se Barcelona që prin.

Në anën tjetër, Atletico Madridi gjendet i treti me 16 pikë të grumbulluara. 

(Kosova Sot Online)