Problemet nuk kanë të ndalur për Real Madrid

Problemet nuk kanë të ndalur për Real Madrid.

Pas tensioneve të raportuara mes Federico Valverde dhe Aurelien Tchouaméni në dhomat e zhveshjes, klubi madrilen po përballet edhe me një shqetësim serioz rreth gjendjes së Ferland Mendy.

Mbrojtësi francez u detyrua të largohej nga fusha në ndeshjen ndaj RCD Espanyol pas një problemi muskulor, ndërsa ekzaminimet e para mjekësore zbuluan një këputje në tendinën e këmbës së djathtë.

Megjithatë, sipas mediave spanjolle, situata është më serioze sesa pritej fillimisht. Thuhet se përveç lëndimit muskulor, është konstatuar edhe një ndarje kockore, komplikim që mund të ndikojë rëndë në vazhdimin e karrierës së lojtarit.

Raportet bëjnë të ditur se stafi mjekësor i klubit po ndjek me shqetësim gjendjen e 30-vjeçarit, ndërsa nuk përjashtohet mundësia që ai të mungojë për një periudhë shumë të gjatë.

(Kosova Sot Online)