Bayern Munichu ka nisur ndërtimin e skuadrës

Bayern Munichu tashmë ka nisur ndërtimin e skuadrës për sezonin e ardhshëm.

Sipas raportimeve, bisedimet janë duke vazhduar me një mbrojtës qendre. Këto janë lajmet dhe thashethemet më të fundit rreth kampionëve rekord të Gjermanisë.

Sipas “tz”, Bayern ka zhvilluar bisedime me përfaqësuesit e Tomas Araujo për një transferim të mundshëm.

Araujo, i cili mund të luajë si mbrojtës qendre ose mbrojtës i djathtë, mund ta sfidojë Konrad Laimer për një vend në formacionin titullar.

Kampionët rekord të Gjermanisë kishin monitoruar më parë edhe Givairo Read.

Megjithatë, 23-vjeçari vetëm së fundmi ka nënshkruar kontratë afatgjatë me Benfica deri në vitin 2029, ndërsa raportimet sugjerojnë se ajo përfshin një klauzolë të lartë lirimi që varion nga 80 deri në 100 milionë euro.

Edhe Chelsea thuhet se ka shfaqur interes të madh për Araujon në të kaluarën.

Duke pasur parasysh atë shumë, Bayerni nuk pritet ta ndjekë seriozisht transferimin e tij.

Sipas “Kicker”, prioriteti kryesor i klubit mbetet një sulmues i gjithanshëm që mund të luajë në krahun e majtë ose në qendër të sulmit, prandaj po shtohen zërat për Anthony Gordon të Newcastle United.

Megjithatë, kampionët gjermanë mund të kenë nevojë për mbrojtës të rinj këtë verë nëse largohen Min-Jae Kim dhe Hiroki Ito.

Kim ishte planifikuar për shitje që vitin e kaluar, ndërsa e ardhmja e Itos te Bayerni mbetet e pasigurt.

Sipas “tz”, Ito mund të largohet nga Bayern Munichu që verën e ardhshme – vetëm dy sezone pas ardhjes së tij – nëse arrin një ofertë e përshtatshme për japonezin.

Ito iu bashkua Bayernit nga Stuttgarti në verën e vitit 2024 përmes një klauzole lirimi prej 23.5 milionë eurosh, por sezoni i tij debutues ishte zhgënjyes.

26-vjeçari pësoi një frakturë në metatarsal pak para fillimit të sezonit, duke mbetur jashtë për muaj të tërë.

Ai zhvilloi vetëm gjashtë paraqitje para se të pësonte sërish të njëjtin dëmtim.

Ai u rikthye në nëntor dhe që atëherë ka regjistruar 21 paraqitje në të gjitha garat, duke luajtur më rregullisht në fund të sezonit pasi Bayerni kishte siguruar titullin e Bundesligës dhe e kishte kthyer fokusin te finalja e Ligës së Kampionëve.

Në fazën me eliminim direkt të Championsit kundër Real Madridit dhe Paris Saint-Germainit, ai mbeti zëvendësues i papërdorur në katër ndeshje të plota prej 90 minutash. Ndërsa në fazën nokaut të DFB-Pokal, ai u aktivizua vetëm në minutat e fundit.

Kontrata e tij në Mynih zgjat deri në vitin 2028, por duke marrë parasysh 23.5 milionë eurot e investuara tashmë, Bayerni me shumë gjasa do të kërkojë të paktën 20 milionë euro para se të hyjë në bisedime me ndonjë klub të interesuar.

(Kosova Sot Online)