'Fast and Furious' shtyhet për një datë të re

Pjesa e re e “Fast and Furious” është shtyrë për në maj 2021.

Seria e re e “Fast and Furious” nuk do ta shohë flamurin me kuadrate së shpejti, shkruan Daily Mail, transmeton lajmi.net.

Publikimi i vazhdimit të shumëpritur “Fast and Furious 9” është shtyrë përsëri, tani është vendosur të publikohet më 28 maj 2021 gjatë fundjavës së Ditës së Përkujtimit, u njoftua nga Universal të premten.

Në mars u raportua se filmi u shty për 3 prill 2021 sipas The Hollywood Reporter.

Sidoqoftë, ndryshimi më i fundit u bë disa orë pasi filmi i James Bond “No Time to Die” njoftoi se ka shtyrë datën e publikimit nga nëntori më 2 prill 2021.

(Kosova Sot Online)