Kourtney Kardashian fejohet me Travis Barker

  • A.P /
  • 18 tetor 2021 - 14:52
Kourtney Kardashian fejohet me Travis Barker

Kourtney Kardashian dhe Travis Barker janë fejuar. Bateristi 45-vjeçar i propozoi yllit televiziv nën perëndimin e diellit të Dielën në Montecito, Kaliforni. Barker kërkoi të martohej me të në një ambient të dekoruar me trëndafila të kuq dhe qirinj të bardhë.

Kardashian konfirmoi lajmin emocionues të dielën në mbrëmje, duke postuar dy fotografi nga ky moment në Instagramin e saj. “Përgjithmonë,” mbishkroi Kardashian duke etiketuar Barker, i cili ri-postoi imazhin në Instagramin e tij.

Kardashian dhe Barker u lidhën për herë të parë në fund të vitit 2020 dhe Us Weekly konfirmoi romancën në janar. Një dëshmitar okular tha se propozimi u bë pikërisht kur po perëndonte dielli dhe se Khloe Kardashian dhe Tristan Thompson ishin të dy të pranishëm.

(Kosova Sot Online)