Lexoni edhe:
Efi: Unë s’jam kafshë, njerëz të shpifur!
Kiara krah Luizit: Jam krenare me ty
Çifti shumë i dashur për publikun, Kiara Tito dhe Luiz Ejlli morën vëmendje në premierën e mbrëmshme (e hënë) të filmit “Në kuadër të dashurisë”, që u mbajt në Pallatin e Kongreseve në Tiranë, transmeton gazeta “Kosova Sot Online”.
Dyshja shkëlqyen me veshjet tepër elegante, teksa dukeshin të lumtur në krahët e njëri-tjetrit.
Teksa parakaluan në tapetin e kuq që mirëpriti yjet e filmit dhe emra të tjetër të njohur që morën pjesë, Kiara dhe Luizi u panë të buzëqeshur duke ndaluar për t’u fotografuar me fansat e tyre.
“Filmi ishte perfekt, krenare me ty”, ka shkruar Kiara në mbishkrimin e fotografive, që u vërshua nga komentet dhe pëlqimet e admiruesve të tyre.
Luizi luan rolin kryesor në film përkrah aktores Olta Gixhari, ndërkohë pjesë e kastit janë, partnerja e Ledri Vulës, Sara Hoxha, Dea Michel, Luan Jaha, Ylber Bardhi e shumë të tjerë.
Kiara gjithashtu ka nisur një projekt të ri televiziv, nga e diela që lamë pas ajo do të udhëheq emisionin “DTWS Fan Club”, që vjen në kuadër të spektaklit të vallëzimit “Dancing With The Stars Albania”.
(Kosova Sot Online)
