Lexoni edhe:
Luiz Ejlli rikthehet në 'Big Brother Albania VIP'
Adriana Matoshi e kalon me sukses operacionin
Pas operacionit të aktores së njohur Adriana Matoshi, ditën e sotme një nga miqtë e ngushtë të aktores ka zbuluar gjendjen shëndetësore të saj dhe duket se çdo gjë ka shkuar mirë, transmeton gazeta "Kosova Sot Online".
Ditën e sotme një nga miqtë e ngushtë të aktores së njohur ka zbuluar gjendjen shëndetësore të saj pas operacionit dhe duket se cdo gjë ka shkuar mirë. Miku i saj ka zbuluar gjithashtu se sëmundja e re për të cilën Matoshi i është referuar, ishte pikërisht një tjetër tumor, betejën me të cilin ka dalë përfundimisht fitimitare pas tre sprovave të vështira.
“Adriana Matoshi 3 – 0 tumori. Prapë fituese loçka jonë” ka shkruar në Facebook miku i saj, Arbër Rama.
Ditën e hënë, deputetja e Kuvendit të Kosovës dhe aktorja nga Gjilani, Adriana Matoshi, ka ndarë me ndjekësit e saj në rrjetet sociale lajmin se është përballur me një sëmundje të re.
Matoshi ka bërë të ditur se do i nënshtrohet një ndërhyrjeje kirurgjikale. Aktorja nuk ka zbuluar saktësisht se për cfarë bëhet fjalë por në postimin e saj, ajo ka kërkuar lutjet e të gjithë ndjekësve të saj që të rikthehet shëndosh e mirë.
(Kosova Sot Online)
