Lexoni edhe:
Ja kush do ta moderojë 'Big Brother VIP Albania 5'
'Merre Merre' thotë Albana në projektin e saj më të ri muzikor
Artistja shqiptaro-gjermane Albana ka lançuar projektin e saj më të ri muzikor, këngën dhe videoklipin e titulluar "Merre Merre", një krijim që përfshin një bashkim të mrekullueshëm të trashëgimisë shqiptare me ritmet më moderne të muzikës botërore, shkruan gazeta "Kosova Sot Online".
Kënga është një kompozim origjinal, frymëzuar nga teksti i njohur i këngës tradicionale shqiptare “Dil moj dil të daltë rrënja”. Albana ka rikrijuar këtë melodinë legjendare, duke i dhënë një përgjigje artistike dhe një ndihmë të re përmes një këngë që pasuron dhe bashkëkohëson traditën.
Ky projekt muzikor bashkon elemente të muzikës tradicionale shqiptare me ritmet Dance, Soul, R\&B, Pop dhe World Music, duke e vendosur një motiv folklorik të njohur në një dimension krejt të ri, që arrin të kapërcejë kufijtë dhe të bëhet universal.
"Merre Merre" është një shembull i shkëlqyer i krijimtarisë që respekton traditën dhe njëkohësisht sjell inovacionin, duke e bërë muzikën shqiptare të tingëllojë dhe të ndihet në një kontekst global.
(Kosova Sot Online)
