Lexoni edhe:
Deri në pesë minuta pritje nëpër të gjitha pikat kufitare të Kosovës
Bekim Haxhiu: Qeveria duke zvogëluar numrin e testimeve për COVID po përpiqet të prezantojë shifra të ulëta
Deputeti i Partisë Demokratike të Kosovës, Bekim Haxhiu ka thënë sot se situata me pandeminë COVID-19 vazhdon të jetë shqetësuese.
Haxhiu në një postim në rrjetin social Facebook shkruan se Qeveria duke zvogëluar numrin e testimeve po përpiqet të prezantojë shifra të ulëta të rasteve pozitive.
“Situata me pandeminë COVID-19 vazhdon të jetë shqetësuese, përkundër faktit që javën e fundit Qeveria duke zvogëluar numrin e testimeve po përpiqet të prezantojë shifra të ulta të rasteve pozitive edhe pse përqindja e rasteve pozitive është pothuajse çdo herë më e lartë se 25% nga mostra e testuar.Qeveria duhet të shpjegojë përse më datë 12.11.2020, janë bërë 2178 teste dhe nuk është vazhduar me këtë nivel të testimeve, por ka zvogëluar testim sa që dje u bënë vetëm 1001 teste”, ka shkruar ai.
Postimi i plotë:
Situata me pandeminë COVID-19 vazhdon të jetë shqetësuese, përkundër faktit që javën e fundit Qeveria duke zvogëluar numrin e testimeve po përpiqet të prezantojë shifra të ulta të rasteve pozitive edhe pse përqindja e rasteve pozitive është pothuajse çdo herë më e lartë se 25% nga mostra e testuar.Qeveria duhet të shpjegojë përse më datë 12.11.2020, janë bërë 2178 teste dhe nuk është vazhduar me këtë nivel të testimeve, por ka zvogëluar testim sa që dje u bënë vetëm 1001 teste.
Derisa MSH ka proklamuar se janë siguruar edhe 7 aparatura për teste RT PCR , shto këtu edhe testet e laboratorëve privat, atëherë përse ky numër i vogël testimeve, përse po ndodhin këto manipulime me testime pas 9 muaj pandemi e 10 muaj testime për COVID-19, përse nuk po shfrytëzohen të gjitha kapacitete për më shumë testime?!
Dikush duhet të japë llogari për mashtrimin me testime dhe numrin e vogël të testimeve.Masat kufizuese të Qeverisë u treguan të paefektshme.Nga data 11.11.2020 deri me sot janë 23 517 raste pozitive të cilat u regjistruan prej se Qeveria vendosi masat e reja kufizuese, pra kemi një rritje të madhe të numrit të rasteve pozitive.Nga data 11.11.2020 deri më sot janë shënuar 48% e të gjitha rasteve pozitive që nga fillimi i pandemisë COVID-19. Kjo shifër e lartë do të duhej të ishte shqetësuese për Qeverinë e cila nuk ka bërë asnjë veprim apo rishqyrtim të masave kufizues të cilat u treguan pa efekt në përmirësim të situatës pandemike.
(Kosova Sot Online)
