Pas vërshimeve, ndërpritet furnizimi me ujë të pijshëm në Fushë Kosovë dhe lagjen Kalabria në Prishtinë

Nga KRU “Prishtina” kanë bërë të ditur se janë të detyruar që ta ndërpresin furnizimin me ujë të pijshëm për Fushë Kosovën dhe lagjen Kalabria në Prishtinë.

Sipas tyre, ka rritje të turbullirës, gjë që e bënë të pamundur trajtimin e ujit për pije konfirm standarteve.

Lexoni edhe:

Ndizet atmosfera elektorale, shpërthen lufta e partive politike për slloganet mashtruese zgjedhore

Njoftimi i plotë:

Si pasojë e reshjeve të dendura të shiut dhe borës këto ditë, janë rritur skajshëm rrjedhjet sipërfaqësore në zonat fushore ku të njejtat kanë përfunduar te kanali i Ibër Lepencit, kanal prej të cilit merret uji i pa përpunuar për tu trajtuar pastaj për pije ( FPU Shkabaj).  Si shkak i kësaj, kemi sërish rritje të turbullirës në atë nivel që, e bënë të pamundur trajtimin e ujit për pije konform standardeve dhe teknologjisë që posedojmë, por edhe për ruajtjen e stabilimenteve. Me qëllim që të ruajmë kualitetin e ujit për pije ( me ç’rast e kemi edhe rekomandim nga IKSHPK-ja ), jemi të detyruar të ndërprejmë furnizimin me ujë të pijshëm  për  Fushë Kosovën dhe lagjen “ Kalabria ” në Prishtinë.  Përveq ndërprerjes së detyrueshme të furnizimit me ujë të pijshëm për këto dy zona, ndërprerje do të kenë edhe Obiliqi dhe Drenasi. Por, për shkak që të bëjmë sado pak shpërndarje të barabartë të ujit, kemi bërë edhe alternative tjera teknike për furnizim.  Në momentin që kushtet lejojnë që uji të trajtohet dhe të garantohet cilësia e duhur pas trajtimit, ne do e rikthejmë gjendjen normale me trajtim dhe furnizim, me ç’rast në këtë situatë të rënduar nga vërshimet ju lusim për durim deri në stabilizim të gjendjes , ngase situata e krijuar nga natyra nuk varet nga ne. Në të njejtën kohë Departamenti i Cilësisë se ujit dhe burimeve po mbikëqyrë cilësinë e ujit në burime sipërfasore dhe nëntoksore, sipas planit operacional për kontrollë të kualitetit në të gjitha zonat e shërbimit ku furnizimi bëhet  nga Kompania Ujësjellësit  Rajonal ” Prishtina ” sh.a . Gjendja aktuale me vërshime është më e rënduar në Fushë Kosovë ku kemi marrë veprime parandaluese duke i larguar nga prodhimi pjesërisht  2 puse nëntoksore, për të ruajtur cilësinë e ujit në plotni! Sistemet prodhuese në NJOU Shtimje ,Lipjan ,Peran ,Vragoli dhe Miradi  të cilat  furnizimin e kanë nga puset nëntokësore janë afër  rrezikut për t’u vërshuar, andaj jemi duke punuar me kapacitete të reduktuara . Fabrikat e trajtimit të ujit në Shkabaj dhe Drenas të cilat furnizimin e kanë nga Kanali Ibër Lepenc, janë duke  punuar me kapacitet të reduktuar  për shkak të  turbullirës së lartë në kanal me qëllim që uji të jetë më  cilësor dhe i pastër! Liqenet artificiale Badovci dhe Batllava kanë një ngritje të nivelit të ujit prej mbi 2 metra, por që kjo rritje e nivelit  nuk ka ndikuar ende në rritje të turbullirës , por me ardhjet e shumta në liqe, pritet turbullim i ujit , me ç’rast do të ndërmarrim veprime konkrete karshi situatës.  Ekipa e Laboratorit së bashku me përgjegjësit e këtyre sistemeve prodhuese, po  marrin mostra gjatë tërë ditës për të parë më afër cilësinë e ujit pijshëm në rezervuare dhe rrjetin shpërndarës të ujit për të evituar ndotjen eventuale. Ekipet e mirëmbajtjes së rrjetit të ujit dhe kanalizimit, me ekipe shtesë janë duke e monitoruar dhe ndihmuar situatën në terren, të fokusuar në zonat e shërbimit ku ka më shumë vërshime. Me kapacitetet maksimale që kemi jemi në gjendje gatishmërie 24 h pa ndërprerë, aty ku qytetarët kanë nevojë për ofrimin e shërbimeve tona.

Bashkë do ia dalim, nga ju kërkojmë mirëkuptim dhe përkrahje!

Vërshimet pas reshjeve atmosferike dhe çështja e ujërave fekale  ( kanalizimeve ) ,

Prishtinë, 11 janar  –  Linjat e Kanalizimit ( ujërat fekale ) në qytetin e Prishtinës janë në shumicë linja të vjetra, të cilat janë dimensionuar dhe vendosur shumë kohë me përpara. Sistemet e kanalizimeve janë të përbashkëta ( Atmosferike dhe Fekale ) dhe kjo e rëndon dukshëm gjendjen e funksionimit sidomos  në rastet kur ka reshje të vrullshme  shiu, siç po ndodhë këto ditë. Përderisa, qyteti i Prishtinës pothuajse në çdo lagje ka pësuar ndryshime në ndërtime te larta – objekte banesore – rritje e tejskajshme e numrit të banorëve, është dashtë që autoritetet tjera të intervenojnë edhe në infrastrukturën ekzistuese  prandaj,  kjo me automatizëm ndikon në ngarkesë më të madhe shkarkuese të sistemit të kanalizimit dhe përmbytje në shumë lokacione brenda qytetit . Ujësjellësi i Prishtinës ka një buxhet të paraparë për investime ( riparim ,  puseta ,  zhbllokime, pastrime ) në këtë sektor, gjithsesi ka edhe ekipet profesionale që merren me mirëmbajtjen e sistemeve të kanalizimeve të ujërave të ndotura fekale por assesi nuk mirëmbanë as nuk ndërton rrjeta të kanalizimeve atmosferike pasi që kjo përgjegjësi e autoriteteve të tjera. Ekipet e mirëmbajtjes së rrjetit të kanalizimit të KRU,,Prishtina,, sh.a. janë të gatshëm çdoherë që tu dalin në ndihmë qytetarëve në rastet kur kemi të bëjmë me zhbllokime e pastrime të pusetave të ujërave fekale, por duhet të kihet parasysh që vërshimet pas reshjeve nuk ndodhin për shkak të punës dhe përgjegjësisë tonë!

Ekipet e mirëmbajtjes janë në terren. U bëjmë thirrje autoriteteve të komunës së Prishtinës të shohin situatën në terren, të marrin përgjegjësitë e tyre në pastrimin e ujërave atmosferike dhe pastrimin e ujëmbledhësve.

(Kosova Sot Online)