Lexoni edhe:
Ishte “azilant” në listën e LDK-së, mafio oligarku Behxhet Pacolli i zgjedhur deputet e injoron Kuvendin për ta dhënë betimin!
Municion e armë janë sekuestruar në disa lokacione të vendit, nga operacioni i quajtur “Stuhia”, i nisur mëngjesin e sotëm.
Me anë të një konference për media, policia ka treguar se të dyshuarit e arrestuar, gjithësej 7 persona, me vendim të prokurorit kompetent janë ndaluar për 48-orë.
Ndërsa, u bë e ditur se çka u sekuestrua sot.
“Granatë hedhës dore -3 copë, mbushës granat-hedhës, armë të gjatë, armë gjuetie, municion të kalibrit 7, pesë arka të mëdha me fishekë, 8 karikatorë të mbushur…Mjete për pastrimin e armëve, kondakë, telefonë, laptopë, pranga…etj”, njoftoi policia.
“Me vendim të prokurorit, të dyshuarve i është caktuar masa e ndalimit prej 48-orëve”, u tha ndër të tjera në konferencë.
Arrestimi i të dyshuarve erdhi pas aplikimit të masave të fshehta të hetimit për disa persona konkretë.
(Kosova Sot Online)