Lexoni edhe:
Ferizaj: Policia gjobiti 400 qytetarë dhe mbylli katër lokale për mosrespektim të masave anti - COVID-19
Djali 9-vjeçar gjen 5 mijë dollarë gjatë pastrimit të veturës që e bleu familja e tij
Një djalë nëntëvjeçar nga Indiana, duke pastruar veturën sportive që familja e tij e bleu në shtator, bëri një zbulim që babai i tij fillimisht e kishte të vështirë ta besonte: 5 mijë dollarë para të gatshme.
Landon Melvin gjeti një zarf që përmbante para kesh poshtë një tepihu të veturës.
Djaloshi i tregoi babait, Michael Melvin, rreth zbulimit të tij në automjet, të cilin familja e kishte blerë në shtator të vitit 2020, por babai e kishte të vështirë ta besonte se kjo histori ishte e saktë.
Më pas kontaktoi pronarët e mëparshëm të veturës, familjen nga Karolina e Jugut, të cilët thanë se gjatë një udhëtimi e kishin ngatërruar zarfin duke e lënë nga një veturë në tjetrën.
Ata këmbëngulën që Landon Melvin t’i mbante për veti 1 mijë dollarë, si shpërblim.
Michael Melvin deklaroi se kjo situatë i dha një mësim të vlefshëm, duke thënë se tani e tutje do bëjë kontrolle të tilla gjithmonë sa herë do pastrojë veturat.
(Kosova Sot Online)
