Lexoni edhe:
Prokuroria Speciale të niset menjëherë në “gjueti” e hetim për aferën e re të lidhur me regjistrime dhe përgjimet që flasin për krimin e zyrtarëve të shtetit
Dhjetë persona vdiqën dhe 20 të tjerë u lënduan në një aksident të rëndë të mërkurën pasdite në Teksas të ShBA-së. Besohet se një pjesë e pasagjerëve ishin imigrantë pa dokumente.
Në kombibus ndodheshin 30 persona, kur vozitësi u mundua të kthehej djathtas, doli nga rruga dhe goditi një shtyllë të metaltë”, tha zëdhënësi i Departamentit për Siguri Publike në Teksas, Nathan Brandley.
Së paku disa prej personave që gjendeshin në kombibusin e aksidentuar besohet se ishin imigrantë pa dokumente, tha Brandley. Rruga ku ndodhi aksidenti u bllokua për qarkullim deri në mbrëmje, shkruan CNN.
Autoritetet lokale janë duke e hetuar aksidentin dhe identiteti i viktimave do të publikohet osa të njoftohen, thanë zyrtarët.
Ndryshe, Shtetet e Bashkuara po përballen me fluks të imigrantëve në kufirin me Meksikën. Administrata e Bidenit do ta vazhdojë politikën e periudhës së Trumpit, që u mundëson autoritetetve dëbim të shpejtë të imigrantëve pa dokumente për shkak të frikës nga pandemia.
(Kosova Sot Online)