Shpejtim Bulliqi tregon se si e zgjodhën zyrtarin e PDK-së kryetar të Kuvendit

  • E.K /
  • 30 December 2021 - 14:36
Shpejtim Bulliqi tregon se si e zgjodhën zyrtarin e PDK-së kryetar të Kuvendit

Kryetari i Podujevës, Shpejtim Bulliqi është deklaruar pasi Hilmi Hoxha u zgjodh kryesues i Kuvendit Komunal në këtë komunë.

Bulliqi tha se kanë votuar pro kandidatit të propozuar nga opozita për shkak tyë zhbllokimit të situatës dhe evitimit të zgjedhje për Kuvend Komunal.

“Meqë nuk e kemi shumicën në Kuvendin Komunal, ne si subjekt fitues jemi obliguar që për hir të zhbllokimit të kësaj situate, evitimit të zgjedhjeve të jashtëzakonshme për Kuvendin Komunal dhe formimit të trupave të Kuvendit kemi vendosur ta votojmë kandidatin e propozuar nga opozita”, ka shkruar ai në një postim në “Facebook”.

Më tutje, ai i uroi Hoxhës për detyrën e re, teksa i ofroi gatishmëri për bashkëpunim.

Në ndërkohë, Hilmi Hoxha, këshilltar komunal i Partisë Demokratike të Kosovës, ka marrë votat e nevojshme për të qenë në krye të Kuvendit të Podujevës, në raundin e tretë, në një votim të fshehtë.

Në votim kanë marrë pjesë 19 këshilltarë komunalë, prej tyre, 19 kanë qenë pro. Në votim nuk kanë marrë pjesë asamblistët e LDK-së dhe dy këshilltarë të AAK-së

Postimi i plotë:

Sot është përmbyllur me sukses procesi i zgjedhjes së kryesuesit të Kuvendit të Komunës, ku pas raundit të tretë të votimit me shumicë votash në këtë pozitë është zgjedhur profesori Hilmi Hoxha.

Gjatë ditës së djeshme, ne (LVV) kemi

propozuar kandidaten tonë për kryesuese të Kuvendit. Por, pasi propozimi ynë nuk gjeti mbështetjen e nevojshme, zonja Stublla sot është tërhequr nga gara për t’i hapur rrugë zgjedhjes së kryesuesit nga radhët e opozitës në Kuvend.

Meqë nuk e kemi shumicën në Kuvendin Komunal, ne si subjekt fitues jemi obliguar që për hir të zhbllokimit të kësaj situate, evitimit të zgjedhjeve të jashtëzakonshme për Kuvendin Komunal dhe formimit të trupave të Kuvendit kemi vendosur ta votojmë kandidatin e propozuar nga opozita.

Kryesuesit Hilmit Hoxha i uroj detyrën dhe shpreh gatishmërinë për bashkëpunimin tim të plotë si kryetar i Komunës me qëllimin e vetëm shtyrjen përpara të projekteve me rëndësi për komunën dhe qytetarët tanë.

(Kosova Sot Online)