Suma thotë se krahasimi mes Kosovës dhe Ukrainës nuk vlen

Ish-komandanti i Ushtrisë Çlirimtare të Kosovës dhe ish-kryetari i Hanit të Elezit, Rufki Suma, ka thënë se kjo nuk është Kosova ajo për të cilën është luftuar.

Fajtor për këtë gjendje, Suma e lë elitën politike kosovare, teksa tha se nëse faktori politik shqiptar është i vendosur, mund të bëhet gjithçka, por nëse jo atëherë edhe pavarësia mund të humbet.

Tutje, Suma tha se me lavdërimin e presidentit ukrainas, Volodymyr Zelensky nëpër rrjete sociale, po nënçmohet lufta e Ushtrisë Çlirimtare të Kosovës.

“Çdo shqiptar është i gatshëm që kur thërret atdheu t’i dal në ndihmë. Ajo çka më së shumti na pengon neve është kur në rrjete sociale aq shumë madhërohet lideri ukrainas dhe në një mënyrë nënçmohet lufta e UCK-së”, ka thënë Suma.

(Kosova Sot Online)