Lexoni edhe:
Goditje e rëndë kundër Këshillit Prokurorial nga Komisioni i Venecias!
Drenicë 1999: Vajza që nuk besonte që Kosova u çlirua dhe NATO kishte hyrë
Kosova sot shënon 23-vjetorin e fillimit të fushatës së bombardimeve të NATO-s që kishte për qëllim ndaljen e gjenocidit në Kosovë nga forcat serbe.
Fushata e bombardimeve që nisi më 24 mars përfundoi në qershor, e pas përfundimit të luftës me dhjetra refugjatë në malet e Drenicës, kishin filluar të ktheheshin në shtëpitë e tyre në të cilat thuajse nuk gjetën asgjë përvec hirit të shtëpive.
Gjatë asaj kohe, disa gazetarë të Reuters kishin takuar grupin e refugjatëve dhe kishin intervistuar një vajzë.
Vajza e re e cila kishte humb babain dhe vëllaun në luftë, fliste në gjuhën angleze dhe nuk e kishte idenë se Kosova u çlirua dhe NATO tashmë ka hyrë në Kosovë.
Ajo shprehet e habitur kur gazetari i huaj i thotë se NATO tashmë ka hyrë në Kosovë.
Gazetari: A e dini që NATO është në Kosovë?
Vajza: Jo nuk është!
Gazetari: NATO është në Kosovë…
Vajza: Jo në vendin tim!
Gazetari: Shumë ushtarë, shumë ushtarë kanë hyrë në vend…
Vajza: Nuk po kuptoj?!
Gazetari: …shumë ushtarë janë në Prishtinë.
Vajza: Po, në Prishtinë, por jo në fshatin tim.
Gazetari: Kanë ardhur…
Vajza: Unë shpresoj kështu … por për mua jeta ka mbaruar, për babanë, vëllain tim.
(Kosova Sot Online)
