Raporti i Google: Hakerat rusë synuan NATO-n dhe ushtritë e Europës Lindore

Një raport i Grupit të Analizës së Kërcënimeve të Google tha se hakerat rusë së fundmi u përpoqën të depërtonin në rrjetet e NATO-s dhe ushtritë e disa vendeve të Evropës Lindore. Google tha se tentativat për sulme kibernetike u nisën nga një grup me bazë në Rusi i quajtur Coldriver, ose Callisto.

Rusia, e cila tani është nën sanksione të rënda ekonomike perëndimore pas vendimit të saj për të pushtuar Ukrainën më 24 shkurt, rregullisht mohon akuzat për sulme kibernetike në rritje ndaj objektivave perëndimore. Në vitin 2019, firma finlandeze e sigurisë kibernetike F-Secure Labs e përshkroi Callisto si një aktor kërcënimi të paidentifikuar dhe të avancuar “të interesuar në mbledhjen e inteligjencës në lidhje me politikën e jashtme dhe të sigurisë” në Evropë.

Lexoni edhe:

Të zbardhet lista me përfituesit nga 230 mil euro të ndara në emër të subvencionimit të qytetarëve dhe bizneseve në krizë pandemie

Grupi synoi gjithashtu një Qendër të Përsosmërisë së NATO-s, thuhet në raportin e Google të së mërkurës, pa dhënë detaje.

Në një deklaratë, NATO nuk iu drejtua drejtpërdrejt raportit të Google, por tha: “Ne shohim aktivitete keqdashëse kibernetike në baza ditore. Qendrat e ekselencës së NATO-s punojnë së bashku me Aleancën, por ato nuk janë pjesë e NATO-s si të tilla. Ne jemi në kontakt me ta për këtë çështje,” thuhet në deklaratë.

(Kosova Sot Online)