Lexoni edhe:
Betejë e vështirë e Telekomit kundër kontratave zhvatëse prapa të cilave fshihet krimi i organizuar!
Paraburgim për dy persona, dyshohet se keqpërdorën sek*ualisht një 13-vjeçare
Gjykata Themelore në Ferizaj ka caktuar masën e paraburgimit ndaj R.P. dhe B.P. pasi dyshohet se e kanë keqpërdorur seksualisht një 13-vjeçare.
Sipas njoftimit, ngjarja dyshohet të ketë ndodhur më 29 mars 2022 në Kaçanik dhe gjatë rrugës për në Prishtinë.
“Ekziston dyshimi i bazuar mirë, se të pandehurit R.P. dhe B.P., më 29 mars 2022 në Kaçanik dhe gjatë rrugës për në Prizren, kanë keqpërdorur seksualisht të dëmtuarën – e mitur trembëdhjetë (13) vjeçare”, thuhet në njoftim.
Njoftimi i plotë:
Ferizaj, 2 prill 2022 – Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurve R.P. dhe B.P. shtetas të Republikës së Kosovës, për shkak të dyshimit të bazuar se kanë kryer secili veç e veç veprën penale sulmi seksual nga neni 229 paragrafi 6 lidhur me paragrafin 1 të Kodit Penal të Republikës së Kosovës (KPRK).
Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se të pandehurit R.P. dhe B.P., më 29 mars 2022 në Kaçanik dhe gjatë rrugës për në Prizren, kanë keqpërdorur seksualisht të dëmtuarën – e mitur trembëdhjetë (13) vjeçare.
Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurve e ka aprovuar si të bazuar konform dispozitave të KPPRK-së, dhe të njëjtëve i`u është caktuar masa e paraburgimit në kohëzgjatje prej një (1) muaj.
Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.
(Kosova Sot Online)
