E reja vdiq në aksident, i fejuari prek me fjalët: Ma copëtove zemrën, mezi pres të bashkohemi

Një aksident tragjik i mori jetën 24-vjeçares nga Kavaja, Daiana Galicaj në Itali. Kjo humbje ka shkaktuar shumë dhimbje tek i fejuari i vajzës së re. Djali ka bërë dedikime prekës për vajzën që e konsideronte dashurinë më të madhe të jetës. Në një foto të publikuar në rrjet, teksa shfaqej krahë të resë, ai shkruan:

“Nuk di nga t’ia filloj, si më ike kështu o drita e syve të mi, o koala ime e çmuar. Më ke copëtuar gjithë zemrën, pa ty s’kam jetë. Qofsh e Xhenetit sy bukura ime dhe do takohemi shumë shpejt do t’i fillojmë në botën tjetër ëndrrat që lamë përgjysmë. Do jesh gjithmonë në zemrën time, dashuria ime!”.

Lexoni edhe:

Ndarja zonale e shëndetshme për demokracinë, e obligon deputetin dhe shton përgjegjësinë!

“Më kujtohet kjo ditë që më the më le të flas pak vetëm me detin. Ç’a fole me detin o dashur, ç’a që të largojë nga kjo jetë, pse o shpirt më le kështu, pse. Më merr me vete o dashuria ime, dua të jem pranë teje”.

Hëna në sfond dhe ata të dy pranë njëri-tjetrit përqafuar. Kështu e kujton i fejuari Daianën dhe shkruan:

“Kështu si shihnim hënën dhe flisnim për çdo gjë shpirt, kështu do të shohim dhe detin nga lart dhe do flasim prapë bashkë jetë”.

Pikërisht kjo është dhe foto e fundit e publikuar prej tij.

“Këtë bluzë me shkrimin engjëll e pëlqeje shumë, ja u bërë engjëlli im tani. Zoti të mori pranë vetes. Tani po e vesh unë Inshalla na bashkon kjo bluzë”, shkruan i riu.

(Kosova Sot Online)