Lexoni edhe:
Me konsensus politik për votimin dhe zbatimin e ligjit Vetting kundër krimit në sistemin e drejtësisë
Arrestohet një ofiqar në Prishtinë, u mundësoi disa personave të krijojnë identitet të dyfishtë
Sot është arrestuar ofiqari i Zyrës Lokale në Dardani, nën dyshimin se ka kryer veprat penale “Keqpërdorim i pozitës zyrtare” dhe “Falsifikim i dokumentit”.
Përmes një komunikate për media, Policia ka njoftuar se i dyshuari është R.M, i moshës 64-vjeçare.
Policia ka thënë se veprat penale dyshohet se janë konsumuar kur i dyshuari ka regjistruar persona pa bërë verifikimin se a plotësohen kriteret për regjistrim duke bërë që disa nga të regjistruarit të krijojnë identitet të dyfishtë (identitet të Kosovës dhe një shteti fqinj).
Hetuesit kanë kryer edhe kontrollë në shtëpinë e tij, ku kanë gjetur: një telefon celular, 60 fishekë të kalibrit 7.62 mm, një karikator i armës, dokumente të ndryshme, certifikata, vërtetime të regjistrimit, foto të librave amzë dhe dokumente të tjera të personave të ndryshëm.
Me aktvendim të prokurorit të shtetit të dyshuarit i caktohet masa e ndalimit prej 48 orëve dhe dërgohet në qendrën e mbajtjes.
(Kosova Sot Online)
