Kisinxheri i Kosovës ia dogji “kartën në xhep” Nikola Pashiqit-Aleksandër Vuçiq !
Prof. Dr. Mehdi Hyseni
Barometri diplomatik
Shkruan: Prof.Dr.Mehdi HYSENI
*** Se gjoja Pashiqi i ri serbomadh , Aleksandër Vuçiq me harta të vjetra “lebensraum” e me mendje të molepsur verbëruese shoviniste antishqiptare të Nikola Pashiqit plak për t’i pushtuar dhe kolonizuar tokat shqiptare, dhe për t’i shfarosur shqiptarët nga Shqipëria e tyre etnike (1878-1999) përmes një “kurthi” të tillë poliitko-propagandistik, diplomatik, strategjik dhe gjeopolitik, do t’ia hidhte “lezëm-paqësisht e miqësisht" kryeminsitrit të Kosovës, Albin Kurti, në mënyrë që ai me pranimin e mbajtjes së zgjedhjeve parlamentare të Serbisë në Kosovë, më 3 prill 2022, do ta njihte Serbinë si shtet të vetin, ashtu sikurse minoritarët serbë të Kosovës. Mirëpo, fati e deshi që në këtë rast, Albini Kurti ishte i zgjuar, nuk ishte në gjumin e thellë të liderëve dështakë të mëhershëm të Kosovës, të cilët deri më 2017 patën lejuar zgjedhjet parlamentare të Serbisë në Kosovë, duke gënjyer popullin se “Serbia de fakto e de jue e ka njohur Kosovën” përmes marrëveshje të arritura në Dialogun e Brukselit (2011-2017).
Kryeministri Albin Kurti ia varrosi shpresën e fundit Vuçiqit për ta kthyer Kosovën në Serbinë e Madhe !
Në këtë frymë të refuzimit të mbajtjes së zgjedhjeve parlamentare të Serbisë në Kosovë,më 3 prill 2022, vazhdimisht kam shkruar kundër përsëritjes së këtij fenomeni absurd, joligjor dhe jokushtetues të mbajtjes së zgjedhjeve parlamentare të Serbisë në Kosovë (2008-2022), mirëpo, askush nga lidershipi i Kosovës se vrajti mendjen, që për këtë kanosje të rrezikut nga Serbia, për hir të korrektesës, paktën vetëm njëherë të shprehte një “selam” në shenjë falënderimi, respekti dhe uniteti ( se ndodhemi në të njëjtin Front të Përbashkët), dikush me penë, dikush me parti, dikush me qeveri, dikush me politikë, dikush me diplomaci e dikush edhe me para, që Serbia të mos kthehej në Kosovë, në asnjë formë të ripushtimit të saj (qoftë me paaqe, qoftë me luftë shfarosëse sikurse më 1989-1999). Nga një shpërfillje e tillë “vuan” edhe Albin Kurti (edhe si kryelider i Vetëvendosjes në opozitë, edhe si kryeministër i qeverisë së Kosovës), “palla si ha” ( e mbron atë, Kosovën apo Shqipërinë etnike) se me shkrimet tuaja e ke mbrojtur jo më pak se një dekadë, duke hedhur poshtë shpifjet, intrigat dhe tezat e ndryshme të komplotit se gjoja “Albin Kurti është antiamerikan” dhe destabilizues i gjendjes poliitke në Kosovë. Kjo ishte një akuzë e rëndë, pa asnjë mbulesë qoftë politike, qoftë diplomatike, qoftë juridike në adresën e gabuar të Albin Kurtit , sepse ai me sjelljet, me veprimet , me protestat demokratike e paqësore ishte në anën e mbrojtjes së interesit të përgjithshëm të popullit dhe të Kosovës si shtet i pavarur dhe sovran. Idetë, platforma, pikëpamjet dhe kursi i tij politik si kryelider partiak, si deputet dhe si kryeministër demokrat , asnjëherë nuk kanë qenë të orientuara kundër interesave strategjike të Amerikës, as kundër BE-së e as kundër NATO-s në Kosovë.
Bravo Albin, që shthure “kurthin” subversiv të Vuçiqit, por mos na harro as neve, ashtu sikurse “vipat” e mëparshëm !
Sepse, edhe paraardhjes sate në krye të qeverisë së Kosovë, në vijimësi kemi kritikuar përpjekjet e Serbisë, që të rikthejë sovranitetin kolonial të saj në Kosovë (17 shkurt 2008-2022). Fundja, secilit shqiptar që ka kontrbuar dhe po kontribuon për mbrojtjen e interesit të përgjithshëm të popullit dhe të shtetit të pavarur të Kosovës, duhet t'i njihen meritat e tyre, pavarësisht nga përcaktimet, rreshtimet dhe interesat e ngushta partiake dhe ideologjike. Kosova është e të gjithëve, askush nuk ka të drejtën e monopolit të saj qoftë si pati apo pronë private të vetme apo aksionare. Nuk është turp e as kurrfarë ligësie, që njëri-tjetrit t'ia njohim meritat, ose t'ia themi gabimet e bëra.
*** Albin Kurti : “: Serbia tentoi të më fus në kurth”. … Mirëpo, nuk është e vërtet që unë me këtë shkëmbim të letrave kam synuar ta sigurojë njohjen e Serbisë, unë e kam ditur se Serbia nuk na njeh kësisoj, praktikisht ata kanë përgatitur si kurth në të cilën unë do të përfundoja duke mos e njohur republikën e Kosovës. Pra kushtetutshmëria e Kosovës dhe ligjit në vendin tonë, duhet të respektohen pikë së par inga vet unë edhe në një komunikim të tillë”, tha Kurti në KTV.
Kurti: Serbia tentoi të më fus në kurth
Kryeministri i Kosovës, Albin Kurti ka thënë se Serbia ka tentuar ta fus në kurth, ku vetë Kurti do të përfundon...
-Ndryshe , ashtu siç është shprehur Kurti, po të kishe pranuar mbajtjen e zgjedhjeve parlamentare të 3 Prillit të Beogradit në Kosovë, de fakto dhe de jure Kosovën do e ktheje nën regjimin pushtues kolonial dhe gjenocidal të Serbisë (1912-1999). Këtu, do të përfundonte pavarësia, liria dhe sovraniteti i Kosovës. Ky do të kishte qenë turpi i botës dhe gabimi i pafalshëm, që përmes një “kurthi” të tillë serbomadh ( me çmimin shumë të lirë), të zhbëhej shteti i pavarur i Kosovës. Për këtë do të na mallkonte mbarë popullli, viktimat dhe heronjtë e dëshmorët e rënë të UÇK-së me kryeheroin e tyre ADEM JASHARI.
Mirëpo, është moment fatlum historik për fatin e Republikës së Kosovës dhe popullin e saj liridashës shqiptar, që në momentin e duhur kritik vendimtar Kurti e ka kuptuar “Kurthin” politik dhe diplomatik strategjik vizionar paqësor të presidentit Aleksandër Vuçiq, ndaj me plot të drejtë e ka refuzuar mbajtjen e zgjedhjeve parlamentare të Serbisë, më 3 prill 2022, sepse mbahen në pajtim me Kushtetutën e Serbisë (2006) sipas së cilës, “Kosova është pjesë e saj”, jo kurrfarë shteti i pavarur dhe sovran fqinjë i saj.
Pra, Kurti mirë dhe në momentin e duhur ka kuptuar dhe shmangur me sukses “kurthin e Serbisë” për organizimin e Zgjedhjeve parlamentare të Serbisë në Kosovë, më 3 prill 2022, - SERBIA NO PASSARAN në Kosovën e lirë, të çliruar dhe demokratike! S’ka zgjedhje parlamentare të Beogradit në Kosovë, sepse KJO nuk është më plaçkë koloniale, territoriale, administrative e as shtetërore e Serbisë pushtuese dhe gjenocidale (1912 -1999).
Albin Kurti diplomat vizionar si Kisinxheri, i pathyeshëm si Adem Demaçi nuk e jep Kosovën për asnjë :shpërblim” të Vuçiqit dhe të Edi Ramës !
Kisinxheri i Kosovës (kryeministri Albin Kurti) nuk është Edi Ramë tradhtari me dëmkë (miku dhe aleati i presidnetit serbomadh Aleksandër Vuçiq), por patrioti i shkollës së Adem Demaçit dhe i Adem Jasharit, si dhe lider politik e diplomat i hollë i shkollës së rangut më të lartë të diplomacisë së Henry Kissinger-it (ish-sekretar i Departamenit Shtetër Amerikan, shkencëtar, ish-këshillëtar i ish- presidentëve amerikanë Richard Nixon dhe Gerald Ford…etj., si dhe student e professor I shquar Universitetit të Harvardit ).
Shkrimet në këtë rubrikë nuk shprehin qëndrimet e gazetës "Kosova Sot Online".