E thotë analisti: Gjykata Kushtetuese, ka dhënë një përgjigje ekuivoke për t’i dhënë mundësi opozitës

Shkruan: ANALISTI-Idriz Zeqiraj

Gjykata Kushtetuese, duke qenë e kapur për një çerek shekulli nga banda e PAN-it, ka dhënë një përgjigje ekuivoke, qëllimshëm, sa për t’i dhënë mundësi e hapësirë opozitës të provojë të ndryshojë situatën përmes manovrave juridike, duke shfrytëzuar pikërisht vendimin ekuivok, me dykuptimësi, të Gjykatës Kushtetuese. Për ndryshim, prononcimi i Presidentes Vjosa Osmani ka qenë sa i paanshëm, aq edhe profesional, duke qenë në koherencë me Kushtetutën e Kosovës, se “zgjedhja e Kryetarit të Kuvendit dhe e organeve të tjera kuvendore bëhet me votim të hapur, të fshehtë dhe në forma të tjera”.

Lexoni edhe:

Kosova ka nevojë për parti të tjera, njerëz profesionistë dhe jo të korruptuar

-Pra, Kushtetuta dhe Presidentja e nxjerrin bllof dhe bllokuese të konstituimit të Kuvendit opozitën. Sepse Gjykata Kushtetuese, duke bashkëpunuar në mënyrë mafioze me opozitën gjatë shqyrtimit të çështjes, të bërë nga halla Timë me AAK-në e saj, Gjykata e kapur nga PAN-i, çështjen e zgjedhjes së organeve konstituive e trajtoi politikisht dhe jo juridikisht! Të 47 faqet A4 bënë kamuflazhë, duke shmangur porosinë kushtetuese të votimit për zgjedhjen e organeve të Kuvendit, se “votimi mund të bëhet i hapur, i fshehtë dhe në forma të tjera”.

Tashmë, nuk përbën asnjë sekret se me sistemin e drejtësisë nuk ka problem vetëm Albin Kurti dhe LVV-ja e tij, por edhe Kushtetuta e Kosovës, të cilën e kanë bërë paçavër subjektet politike të koalicionuara në PAN. Dhe problem kardinal me drejtësinë ka edhe Kosova dhe populli i saj. Nismën për bërjen e Vetting-ut dhe Byronë për hulumtimin e pasurive të paligjshme e bllokoi PAN-i kriminal përmes kuadrove të sistemit të drejtësisë të kapur e korruptiv. Shembuj domethënës që dëshmojnë degradimin, deri në degjenerim, të këtij soji opozite mjerane.

Shkrimet në këtë rubrikë nuk shprehin qëndrimet e gazetës "Kosova Sot Online".